Таджикистан – Энциклопедия на таджикском языке КИТОБАМ
Наҷиби Фарғонӣ (соли таваллуд ва вафот номаълум), шоири асри 11 форс-тоҷик. Мувофиқи маълумоти сарчашмаҳо Нақиби Фарғонӣ аз шоирони маъруфи дарбори Қарахониён будааст. Забеҳуллоҳи Сафо дар китоби «Таърихи адабиёт дар Эрон» номи Нақиби Фарғониро дар қатори шоирони бузурги он аср — Амъақи Бухороӣ, Рашидии Самаркандӣ, Алии Сипеҳрӣ ва дигар зикр намудааст.
Нақиби Фарғонӣ дар мубоҳисаҳои Сузании Самаркандӣ ва Амъақи Бухороӣ ҳамақидаи Сӯзанӣ будааст. Наҷиби Фарғонӣ бо Сӯзанӣ мушоира ва дӯстӣ дошт. Сузанӣ ба вафоти Наҷиби Фарғонӣ марсияе гуфтааст, ки аз таваҷҷӯҳи ӯ ба ин шоир гувоҳи медиҳад. Вале аз ашъори пуртаровати ин шоири нозукбаён то ба мо намунаҳои каме расидаанд.
