МУЗОКИРАИ СУДӢ, қисми мустақили мурофиаи судӣ буда, иштирокчиёни он натиҷаи аз тарафи суд тафтишшудаи корро ҷамъбаст намуда, оид ба ҳалли он изҳори ақида менамоянд. Дар мурофиаи ҷиноятии советӣ Музокираи судӣ баромади айбдоркунандагоп (нигаред Айбдоркунӣ), даъвогари гражданӣ, ҷавобгари гражданӣ ё намояндаи онҳо, ҳимоякунанда, ҳимоякунандаи ҷамъиятӣ ё судшаванда (ба шарте, ки ҳимоячӣ дар маҷлис иштирок накунад) бо ҷабрдида (ё намояндаи ӯ)-ро дар бар мегирад (моддаи 298 КМҶ. РСС Точ-)- Вақти Музокираи судӣ маҳдуд нест, вале раисикунанда ҳақ дорад, ки шахсони аз доираи масъалаҳои Музокираи судӣ берун гап занандаро аз сухан боздорад. Иштирокчиёни Музокираи судӣ баъди баромадҳояшон музокираи иловагӣ карда метавонанд, Дар мурофиаи граждании Музокираи судӣ даъвогар, ҷавобгар, намояндагони онҳо ва шахси сеюм баромад мекунанд. Прокурор дар Музокираи судӣ танҳо ҳамон вақт иштирок мекунад, ки агар оид ба корҳои гражданӣ масъаларо бевосята худаш cap карда бошад.
Tags изҳори ақида
Инчунин кобед
САҒОНА
САҒОНА 1) қабре, ки аз хишти пухта 6 санг ба шакли гаҳвора сохта, дар он …