МУВАФФАҚУДДИН АБДУЛЛАТИФ

МУВАФФАҚУДДИН АБДУЛЛАТИФ ибни Юнуси Бағдодӣ (1162, Бағдод —1231, ҳамон ҷо), табиатшинос, табиб ва географи араб. Муваффақуддин Абдулатиф оид ба ботаника, тиб, анатомия ва илмҳои дигар як қатор асарҳо эҷод кардааст, ки аз онҳо «Китоб-ул-ифода ва-л-эътибор фи-л-умур-ил-мушоҳада ва-л-ҳаводис-ил-муайяна би-араи Миср» («Китоби ифодаву аътибор дар умури мушоҳада ва ҳодисаҳои муайяни сарзамини Миср») дар омӯзиши таърихи тараққиёти илмҳои набототшиносӣ, тиб, география ва ҷамъиятшиносии асри 13 аҳамияти калон дорад.

Ад.: Крачковский И. Ю., Избр. соч., т. 4, М.—Л., 1957. г.

Т. Аҳмадов.