МУСИҚИИ НАФАСӣ, як навъи асари мусиқист, ки барои оркестрҳои нафасӣ эҷод мешавад. Истилоҳи Мусиқии нафасӣ асосаи хоси асарҳои бо оркестри нафасӣ иҷрошаванда буда, ба маънои васеаш асарҳои камеравиро, ки махсус барои асбобҳои мусиқии нафасй (квартет, квинтет ва ғайра) тасниф мегарданд, дар бар мегарад. Барои оркестрҳои нафасӣ бастакорон Ж. Б. Люлли, Г. Ф. Гендел, Л. Бетховен, Р. Вагнер. Н. А. Римский-Корсаков, Д. Д. Шостакович, С. С. Прокофев ва ғайра асарҳо офаридаанд.