МУРОФИАИ БАЙНАЛХАЛҚИИ ГРАЖДАНӢ

МУРОФИАИ БАЙНАЛХАЛҚИИ ГРАЖДАНӢ, қисми махсуси ҳуқуқи хусусии байналхалқист, ки масъалаҳои ба суди граждании байналхалқӣ тобеъ, вазъи шахсон, муассисаю ташкилотҳои хориҷӣ дар мурофиаи гражданӣ ва дигар масъалаҳои судии давлатҳои хориҷӣ ва намояндагони дипломатии онҳо (нигаред Ёрии ҳуқуқӣ), эътироф ва иҷрои маҷбурии қарори судҳои давлатҳои хориҷӣ ва ғайраро дер бар мегирад. Принсипи роҳбарикунандаи Мурофиаи байналхалқии гражданӣ қонуни суд мебошад. Яъне суд кори граждани хориҷӣ ва молу мулки дар мамлакати дигар ба ӯ мансубро дида, ҳамчун қоида қонуни мурофиавии мамлакати худро татбиқ менамояд.