МУРОДОВ Латиф (1913, деҳаи Маҳрами райони Конибодом — 1973, Ҳисор), ташкилотчии сохти колхозӣ дар Тоҷикистон, Қаҳрамони Меҳнати Сотсиалистӣ (1957), Устоди пахтаи Республикаи Советии Сотсиалистии Тоҷикистон (1957), Аълочии маорифи халқи Республикаи Советии Сотсиалистии Тоҷикистон (1945). Аъзои Партияи Коммунистии Иттифоқи Слветӣ КПСС аз соли 1941. Солҳои 1929—30 таълимгирандаи курси таълимии Хуҷанд, 1931—35 муаллим (райони Ашт), 1936—37 студент Институти 2-солаи муаллимтайёркунии Тошкент, 1933— 40 муаллими омӯзишгоҳи педагогии занонаи ш. Сталинобод. 1941—44 директори мактаб, 1945—46 котиби комитет партиявӣ, 1947—48 мудири шуъбаи хоҷагии районӣ, 1949—73 раиси колхози «Съезди 22-юми пар- тия»-и райони Ҳисор буд. Муродов дар инкишофи пахтакории район саҳми арзанда гузоштааст. Депутати Совети Олии Республикаи Советии Сотсиалистии Тоҷикистон (даъватҳои 6, 7). Бо ордени Ленин, ордени Револютсияи Октябр, ордени «Нишони Фахрӣ», ордени Байрақи Сурхи Меҳнат, 15 медал (10 медали тилло, нуқра ва биринҷии НКХХ СССР) мукофотонида шудааст.
Tags Шахсони машҳур
Инчунин кобед
САФОЛ
САФОЛ, маснуот ва ашёест, ки дар натиҷаи ба ҳам омехтани гилмоя, хамираи минералҳо, оксидҳо ва …