МУРҒОБИҲО (Anatidae), як оилаи паррандаҳои обиро гӯянд, ки ба қатори қозшаклҳо мансубанд. Дарозии танаашон 29—150 сантиметр. Панҷа- ҳои пояшон бо парда пайваст шудаанд. Парҳояшон зичи сафед, ҷигарӣ, бӯр ва сиёҳ аст. Аксари Мурғобиҳо хеле хуб парвоз карда ва ба об ғута зада метавонанд. Ба Мурғобиҳо қу, қоз, мурғобӣ ва казарка мансубанд. 147 намуди Мурғобиҳо (аз 43 ҷинс) дар ҳама ҷо зиндагӣ мекунанд. Дар Иттифоқи Республикаҳои Советии Сотсиалистӣ СССР 58 намудашоя, аз ҷумла 8 намуди ғайримуқимӣ (аз 15 ҷинс) ва дар Тоҷикистон қариб 15 намуди Мурғобиҳо (масалан, рози кӯҳӣ, мурғобй ва ғайра) дучор мешаванд. Мурғобиҳо дар замин, харсангҳо, ковокиҳои дарахт лона сохта, 2—16 тухми якранг (сафед, сабача ё зардча) мегузоранд. Хӯрокашон растанӣ ва хайвонҳои обии бемӯҳра мебо- шанд.
Адабиёт: Абдусалямов И. А.. Фауна Таджикской Советской Социалистической Республики, том 19, ҷилди 1., Птицы, Душанбе. 1971.