МУРҒИ САФЕДИ РУСӢ, зоти мурғги тухмдеҳ. Дар Иттифоқи Республикаҳои Советии Сотсиалистӣ СССР бо роҳи ҷуфтии мурғи Леггорн бо мурғҳои маҳаллии районҳои марказии Республикаи Советии Федеративии Сотсиалистии Россия ба вуҷуд овардаанд. Ҳамчун зот соли 1953 тасдиқ шудааст. Пару болаш сафед, пойҳояш зард. Вазни хурӯс 2,8—3 килограмм, мокиён 2,1—2,2 килограмм. Соле 180—190 (дар хоҷагиҳои пешқадам 215—225) тухм (вазни яктоаш 58—60 грамм) мекунад. Мурғи сафеди русӣ ба шароит нағз мутобиқ мешавад. Дар катак ва озод парвариш мекунанд.