Мӯрдиҳо, (Myrtaceae), оилаи растаниҳои дупалагии дарахтӣ, бутта ё буттачаҳои аксар ҳамешасабз. Барги оддии муқобили ҳамдигар (баъзан пай дар пай) ҷойгиршуда ва донакмева доранд. Гулашон дуҷинсаи актиноморфӣ буда, бештар дар хӯшагул ҷойгир шудааст. Косабарг ва гулбаргашон 4—5-тоӣ; гардбаргашон бисёр аст. Қариб 100 ҷинсу 3000 намудашон асосан дар мивтақаҳои тропики ва субтропикии Америка, Австралия ва Полинезия мерӯянд. Дар ИТТИҲОДИ ШӮЪРАВӢ якчанд намуди Мӯрдиҳо (эвкалипт, мӯрд ва ғайра)-ро фақат кишт мекунанд. Бисёр намудҳои Мӯрдиҳо аҳамиятноканд. Аз онҳо мева, чӯби, қиматбаҳо, равғани эфир, моддаҳои доруӣ ва ғайра мегиранд.