Главная / Илм / МУРҶИИЯ

МУРҶИИЯ

mechtaМУРҶИИЯ (аз арабӣ—умед, орзу, чашмдошт), яке аз таълимотҳои динию ахлоқиест, ки дар шариати ислом масъалаи озодии иродаро ба таври хос ҳал намудааст. Мӯътазилиён таъкид мекарданд, ки шахси гуноҳи сахт содиркарда кофир на­мешанад, аммо аҳли хориҷия собит менамуданд, ки ин қабил шахси мусулмон кофир мешавад. Бар хилофи ҳамаи инҳо ва хусусан шохаи шадидтарини хориҷия — азрақия Мурҷиия чунин талқин менамуд, ки шахси гуноҳи азим содиркарда кофир намешавад, балки дар оянда низ умеди шафоат дорад. Аҳли Мурҷиия барои ҳақ будани нуқтаи мазкурро исбот кардан таълимоти Қуръонро дар бораи раҳмату шафқати офаридгор ис­тифода мебурданд. Мурҷииён имону эътиқодро бо омилҳои субъективӣ— олами ботинӣ, маънавӣ, мароми шахсӣ, сифатҳои ахлоқӣ вобаста намуда, мутобиқату аёнияти зоҳиру ботин ва дунёи рӯҳонӣ, аъмолу фаъолиятро напазируфтаанд.

М. Султонов.

Дар борамон Anvar

Инчунин кобед

nophoto

МУҲАММАД ИБНИ ФАЗЛ

МУҲАММАД ИБНИ ФАЗЛ — (соли таваллуд номаълум — вафоташ 931, Самарқанд), фақеҳи форс-тоҷик. Дар Балх …