МУОЛИҶА БО НУРИ ОФТОБ, гелиотерапия, бо мақсади табобату профилактика истифода бурдани нури офтоб. Таъсири нурҳои офтоб ба организм чунин аст: нурҳои инфрасурх гармӣ медиҳанд, нурҳои равшанӣ системаи асабро бармеангезанд, нурҳои ултрабунафш дар пуст реаксияи фотохимиявӣ ва биофизикиро ба вучуд оварда, боиси ҳосилшавии витамини D, пигмент ва ғайра мегарданд. Ҳангоми Муолиҷа, яъне қабули ваннаҳои офтобӣ просессҳои мубодила, иммунитет тезтару ҳосилшавии хун, ғизогирии бофтаҳо, ҳолати умумии организм, иштиҳо, хоб ва ғайра беҳтар мегарданд; организм обутоб меёбад. Муолиҷаро хусусан ҳангоми бемориҳои пӯст, ҷароҳат ва захмҳои суст сиҳатёбанда, камхунӣ, сили пӯст, устухон ва ғайра тавсия меку- нанд. Барои қабули ваннаҳои офтобӣ майдонҳои махсус — солярияҳо месозанд. Ваннаҳои офтобиро баъди 1—1,5 соати наҳорӣ қабул кардан фоидабахш аст. Пеш аз қабули ваннаи офтобӣ 10—15 дақиқа дар соя истироҳат намуда, пӯстро хӯшконидан лозим аст (пӯсти тар аз нури офтоб зуд месӯзад). Баъди қабули ваннаи офтобӣ оббозӣ мекунанд ё баданро бо латтаи тар пок карда, ним соат истироҳат менамоянд.
Tags Тиб
Инчунин кобед
САХАРИМЕТРИЯ
САХАРИМЕТРИЯ (аз русӣ сахар —қанд ва …метрия), усулест, ки ба воситаи он ғилзати маҳлули моддаҳои …