МУЛЛОЁРИИ ЯЗДӢ (соли таваллуд номаълум — вафот 1546), шоири форс-тоҷик. Дар шахри Язд дӯкондорӣ кардааст. Муллоёрии Яздӣ шоири ҳаҷвӣ буда, дар баъзе шеърҳояш Ваҳшии Бофқиро ҳаҷв кардааст. Ваҳшии Бофқӣ низ дар ҷавоби шеърҳои ҳаҷвӣ гуфтааст. Мувофиқи маълумотни манбаъҳои адабӣ Муллоёрии Яздиро ба куштани касе айбдор намуда, ба қатл маҳкум карданд. Вай бахшида ба ин воқеа матлае гуфтааст:
Аз қатли мо хоҳад шудан фардо тамошои дигар.
Чизе намонд аз умри мо, моему фардои дигар.
Ин суханҳо боиси раҳоӣ ёфтан аз қатлаш шудаанд. Муллоёрии Яздӣ асосан ғазал ва рубоӣ гуфтааст; намунаҳои ашъораш тавассути тазкираҳо то замони мо расидаанд.