МУҲАММАДИ РАЗАӢ Ибни Алоуддин (соли таваллуд ва вафоташ номаълум), хушнавис ва мусаввири асри 15 форс-тоҷик. Яке аз шогирдони Султоналии Машҳадӣ. Аз намунаҳои осори боқимондаи ӯ маълум мегардад, ки дар санъати хаттотӣ хеле ҳунарманд буда, махсусан, настаълиқи хафиро хеле олӣ менавиштааст. Аз намунаи осори ӯ «Хамса»-и Хусрави Деҳлавӣ (бо хати зебои хафӣ) дар Китобхонаи Кобул маҳфуз буда, чанде аз саҳифаҳои он бо тасвирҳо оро ёфтаанд, ки маҳсули ҳунари Муҳаммад Разаӣ мебошанд.
Л. Нуров.