МОШБИРИНҶ, як навъ таоми миллӣ. Аввал гӯшт, баъд пиёзи резаро дар равған то сурх шудан бирьён мекунанд. Сипас об андохта чанд дақиқа меҷӯшонанд. Мошро тоза карда, нағз мешӯянду ба дег андохта, 30—40 дақиқа меҷӯшонанд. Баъд биринҷро низ шӯста ба он илова менамоянд ва дар оташи паст меҷӯшонанд, 10—15 дақиқа пеш аз пухтан намак ва зира меандозанд. Таоми тайёршударо ба косаҳо мекашанд. Ба он ҷурғот ҳам андохтан мумкин аст. Мошбиринҷро бо шир низ мепазанд, вале дар он сурат равған ҳамроҳ намекунанд.
Ад.: Аминов С., Ванукевич А., Таомҳои тоҷикӣ, Д., 1967.
М. Ҳомидҷонова.