МОРСАРҲО (Ophisops), ҷинси хазандаҳо аз оилаи калтакалосҳо. Дар Африкаи Шимолӣ, Европаи ҷанубӣ ва Шарқӣ, Осиёи Хурд ва Ҷанубӣ 5 ва дар СССР 1 намудашон (О. elegans; ниг. расм) паҳн шудаанд. Дарозиашон то 60 см, қисми болоии танашон ҷигарранги рах-рах ва қисми поёнии танашон сафед. Асосан дар нимбиёбонҳои санглоху гилхоки Закавказия зиндагӣ мекунанд. Хӯрокашон ҳашарот, кирминаи онҳо ва тортанакҳо мебошанд. Морочник дар мавсим 2—3 маротиба 4—6 донагӣ тухм мегузоранд.