МОНОГРАФИЯ

МОНОГРАФИЯ (аз моно… ва графия), асари тадқиқотиест дар бораи як мавзӯи муайяни илмӣ, ҳаёт ва фаъолияти ин ё он олим ё нависанда. Дар Монография адабиёти доир ба масъалаи тадқиқшаванда таҳлилу ҷамъбаст шуда, ҳалли нави масъала, фаразияҳои таҳриккунандаи пешрафти илм гузориш меёбанд. Монография аксаран рӯйхати васеи адабиёт, тавзеҳоту мулҳақот ва ғ.-ро дарбар мегирад. Дар адабиётшиносии советии тоҷик асари А. Мирзоев «Биноӣ» (Сталинобод, 1957) яке аз беҳтарни Монографияҳо шинохта шудааст.