МОҲИҲОИ ПАРРОН

МОҲИҲОИ ПАРРОН (Exocoetidae), як оилаи моҳиҳоеро гӯянд, ки ба қатори Beloniformes мансубаст. Дарозии баданашон то 45 см; боли сандуқи дилашон ниҳоят дароз ва васеъ буда, барои дар болои об парвоз кардан мувофиқ шудааст. Моҳиҳои паррон дар ҳаво зиёда аз 100 м дар баландии то 10 м парвоз карда метавонанд. Боли думашон барои дар об ҳаракат кардан хизмат мекунад. 6 ҷинси Моҳиҳои паррон бештар дар обҳои тропикию субтропикии уқёнусҳо паҳн гаштаанд. Дар СССР дар обҳои Шарқи Дур Моҳиҳои паррони дарозболи муқаррарӣ — Exocoetus volitans (ниг. расм) ва японӣ — Cheilopogon heterurus зиндагӣ мекунанд. Fhsoii Моҳиҳои паррон организмҳои планктонии хурд буда, худи Моҳиҳои паррон ғизои аксари моҳиҳои даррандаанд.