МОДЕЛ, номи умумии якчанд намуди пиёзи худрӯи калонбарг (А. oltissimum, A. elatum, A. giganteum, A. karatavianse, A. rosenbachianum,
2stipitatum); барги пиёзҳои худрӯи номбурда, ки ҳамчун хӯриш ва дар таом истифода мекунанд. Модел барги калони нештаршакл ё тасмамонанди сабз ё баъзан ашхабӣ (диаметраш 2—10 см) дорад. Моделро ба ҳар гуна таом (моделоба, умоч, утро, шула, мастоба ва ғ.) меандозанд ё бо ҷурғот, чакка, мурчу қаранфул ва монанди инҳо хӯриш тайёр мекунанд. Модел сервитамин (махсусан витамини С) буда, барои организми одам хеле муфид аст.
Ю. С. Юнусов.