МИСОЛИИ КОШОНӢ

МИСОЛИИ КОШОНӢ (соли таваллуд ва вафот номаълум), шоири асри 16 Эронӣ. Аз тафсилоти зиндагиаш маълумоте нест. Соммирзои Сафавӣ дар «Тӯҳфаи Сомӣ» овардааст, ки Мисолии Кошонӣ дар шеър табъи баланд дошта, чунончи мехост, ки ҷавоби «Хамса»-и Низомӣ гӯяд, аммо ба итмоми он тавфиқ наёфт». Лекин аз таълифоти ӯ достони «Лайлӣ ва Маҷнун» ба мо расидааст, ки ягона нусхаи дастнависи он дар Теҳрон (Эрон) маҳфуз аст. назми достон соли 1493 ба ба анҷом расида, 3220 байтро дар бар мегирад.

С. Асадуллоев.