МИРЗОМАЛИКИ МАШРИҚӢ (соли таваллуд ва вафот номаълум), шоири охири асри 16 форс-тоҷик. Аз хонаводаи Акобирзода. Дар Машҳад таҳсил карда, аз бештари илмҳои маъмули замонаш баҳравар гардидааст. Хусусан, хатро некӯ менавишт. Мирзомалики Машриқӣ ба форсию туркӣ шеър гуфтааст, ки асоси нағамоти муғаниёни давр гардидаанд. Мирзомалики Машриқӣ дар ғазал, қасида, қитъа ва маснавӣ маҳорате дошт. Аз ӯ девоне (тақрибан 10 ҳазор байт) ва маснавиҳои «Хусраву Ширин», «Соқинома» мерос мондаанд.
А. Зуҳуриддинов.