МИРСАИД АҲМАД Ш а м ъ р е з и и М а ш ҳ а д ӣ (соли таваллуд номаълум — вафот 1579), хаттоти форс-тоҷик. Мирсаид Аҳмад дар Машҳад (аз оилаи Саидохон Ҳусайнӣ ном шамърез) таваллуд ёфтааст. Мирсаид Аҳмад яке аз шогирдони хаттоти машҳури Ҳирот Миралии Ҳиравист. Аввал дар китобхонаи дарбори амири Бухоро Абдулазизхон (1540—49) ва пас аз марги ӯ ба Эрон баргашта, дар дарбори Таҳмосии I (1524—76) ва баъдтар Исмоили II (1576—78) кор кардааст. Мирсаид Аҳмад дар навиштани навъҳои гуногуни хат маҳорати хосе дошт. Намунаҳои осори ӯ дар китобхонаҳои ҷаҳон маҳфузанд.
К. Махсумов.