МИНТАҚАИ СУБАРКТИКӢ

МИНТАҚАИ СУБАРКТИКӢ, мин­тақаи географие дар Нимкураи ши­молӣ, ки байни минтақаҳои арктикӣ ва мӯътадил чойгир шуда аст (ниг. харитаи Минтақаҳо ва зонаҳои гео­графии Замин, ҷ 2, саҳ. 448—449). Сарҳади ҷанубии Минтақаи субалпӣ дар уқёнус, дар ҳудуди паҳншавии яхҳои мавсимӣ воқеъ аст. Иқлимаш хунук: ҳарорати миёнаи моҳи гармтарин аз 5 то 10° С, хунуктарин аз —5° С, дар канораҳои ғарбӣ то —30, —40° С (ҳат­то то — 50° С) дар қисмҳои марказӣ. Тобистон ҳавои мӯътадил ва циклонҳо, зимистон ҳавои арктикӣ ва антициклонҳо мушоҳида мешаванд. Боришоти солона (бештар барф) 300—500 мм. Минтақаи субалпӣ зиёда аз 8 моҳ барфпӯш аст. Заминаш яхбаста. Дар ноҳияҳои хунуктари минтақа зонаи тундра ва дар ноҳияҳои нисбатан гармтар зонаи бешатундра вусъат ёфтааст.