МИНТАҚАИ АРКТИКӢ, минтақаи географии Замин аст, ки қисми зиёди шим. Арктикаро дар бар мегирад. Сарҳади Минтақаи арктикӣ одатан аз рӯи изотермаи +5° С моҳи гармтарин муайян карда шуда, он дар ҷазираҳо ва хушкии материкии Арктикӣ бо сарҳади байни зонаҳои биёбони арктикӣ ва тундра мувофиқ меояд. Хусусиятҳои асосии табиати Минтақаи арктикӣро қимати манфӣ ё мусбати пасти мизони (баланси) ҳарорати радиационӣ (то 41,9 кН дар 1 см2) ифода мекунад. Аз ҳамин сабаб ҳарорати ҳавои ин ҷо доимо паст, қисми зиёди терр. (баъзе ҷойҳо ҳамеша) барфпӯш буда, дар он пиряхҳо фаровонанд; дар хушкиҳо процессҳои биологию геохимиявӣ суст сурат мегиранд; масоҳати калони уқёнусро қабати ғафси ях пӯшидааст. Дар Минтақаи арктикӣ тамоми сол массаи давои арктикӣ ҳукмфармост, ки он ба иқлими терр-ҳои калони Евросиё, Америкаи Шимолӣ ва қисмҳои ба Арктика ҳамшафати уқёнус таъсири зиёде мерасонад.
Tags география
Инчунин кобед
Деҳаи САҒИРДАШТ
САҒИРДАШТ, деҳаест дар райони Қалъаихуми Вилояти Автономии Бадахшони Кӯҳӣ, маркази Совети қишлоқи Сағирдашт. Территорияи совхози …