МИНЕРАЛЬНЫЕ ВОДЫ

МИНЕРАЛЬНЫЕ ВОДЫ, шаҳрест (то 1920 — посёлка) дар кишвари Ставрополи РСФСР. Дар водии дарёи Кума воқеъ гаштааст. Стансияи роҳи оҳан дар хати Армавир—Прохладная; аз Минеральные воды то Кисловодск хати электронидаи роҳи оҳан (64 км) гузаронида шудааст. Аэро­порт дорад. Аҳолиаш 66 ҳазор нафар (1978). Дар шаҳр корхонаҳои нақлиёти роҳи оҳан, саноати хӯрокворӣ (заводи равған. заводи истеҳсоли желатин, комбинати гӯшт), заводи «Сувенир» ва омӯзишгоҳи мусиқӣ ҳаст.