МИКЛУХО-МАКЛАӢ Николай Николаевич (17. 7. 1846, деҳаи Рождественский, ҳозира райони Боровичи вилояти Новгород — 14. 4. 1888, Петербург), сайёҳ, табиатшинос, антрополог ва этнографи рус. Аз оилаи инженер. Солҳои 1866—69 ба ҷазираҳои Канар, Модейру, Марокаш саёҳат кардааст. Соли 1870 антропология ва этнографияи халқҳои Осиёи Ҷан. Шарқӣ, Австралия, ҷазираҳои уқёнуси Оромро омӯхта, аз 18/1 ба тадқиқи тарзи зиндагӣ ва маданияти халқҳои маҳаллии Гвинеяи Нав, нимҷазираи Малакка, Филиппин, Индонезии, Микронезия, Меланезия, Австралия машғул шуд. Ӯ дар асоси материали фаровони гирдовардааш ҳамавлоду ҳамнажод буддоӣ одамонро исбот намуда, типҳои антропологии меланезиҳоро аз ҷиҳвти илмӣ муфассал тавсиф кард. Миклухо-Маклай ба муқобили нажодпарастию мустамликадорӣ баромада, озодӣ ва истиқлолияти халқҳоро ҳимоя менамуд. Коллеокцияи бои зтнографӣ ва антропологии ӯ дар Музеи антропология ва этнографияи Ленинград маҳфуз аст. Ҳоло соҳили шим. шарқии Гвинеяи Нав ба шарафи Миклухо-Маклай номида шудааст. Соли 1947 Институти этнографияи АФ СССР номи Миклухо-Маклайро гирифт.
Ае.: Собр. соч., т. 1—5, М.—Л.. 1950— 1954.
Ад.: Колесников М. С., Миклухо-Маклай. М., 1965.