МЕМОРАНДУМ (лот. memorandum-—айнан, он чи, ки бояд дар хотир дошт), 1) варақаи хотирот; қайди хотирот; 2) дар муносибатҳои байналхалқӣ — ҳуҷҷати дипломатӣ, ки моҳияти масъаларо дар мукотибаи дипломатӣ муфассал ифода менамояд. Меморандум ҷиҳатҳои амалию воқеии масъала, далелҳои шайъию юридикиро дар бар мегирад. Меморандумро ба нотаи мухтасар илова ё даҳонӣ изҳор мекунанд ва ё ҳамчун ҳуҷҷати мустақил (бе имзову мӯҳр) пешниҳод менамоянд.