МАВҶҲОИ ДАРОЗ

МАВҶҲОИ ДАРОЗ, радиомавҷҳое, ки дарозии мавҷашон аз 1 км то 10— 20 км мебошад. Дар сатҳи куравии Замин дар натиҷаи дифракция радиомавҷҳо ба масофаи 1—2 ҳазор км паҳн шуда метавонанд. Мавҷҳои дароз ба туфайли таъсири мавҷбари куравии атмосфера, ки дар байни сатҳи Замин ва ҳудуди поёнии ионосфера ба вуҷуд меояд, ба масофаҳои аз 1—2 ҳазор км зиёдтар ҳам паҳн шуда метавонанд. Ниг. низ Паҳншавии радиомавҷҳо.