МАНОРАИ ВОБКАНД, ёдгории меъморн дар деҳаи Вобканди вилояти Бухоро (асри 12). Бо фармоиши ҳокими ҳамон давр Бурҳониддин Абдулазизи II сохта шудааст. Манораи Вобканд аз хишти пухта бино ёфта, дар назди масҷиде (масҷид то замони мо нарасидааст) воқеъ будааст. Баландии манора 40,3 м, диаметри асосаш 6,19 м, диаметри болояш — 2,81 м.
Нақшҳои мураккаб ва рангубори назаррабо ба манора шукӯҳу салобати хос бахшидааст. Манораи Вобканд аз ҷумлаи манорахон зебои Осиёи Миёна ба шумор меравад. Ёдгорӣ дар муҳофизати давлат аст.
Т. Муҳиддинов