МАНОМЕТР (аз юнонӣ manos — тунук ва metreo — чен мекунам), асбобест барои чен кардани фишори моеъ ва газҳо. Чунин Манометрҳо хастанд:
- Манометро барои чен кардани фишори мутлақи ин аз сифр (вакууми пурра) ҳисоб карда мешавад;
- Манометрҳо барои чен кардани фишори барзиёд, яъне фарқи байни фишори мутлақ ва фишори атмосферӣ (Мавроди аз фишори атмосфера зиёд будани фишори мутлақ);
- Дифманометрҳо барои чен кардани фарқи 2 фишор, ки одатан ҳар яки он аз фишори атмосфера фарқ мекунад.
Фишорҳои ба фишори атмосфера баробарро бо барометр, фишорҳои аз сифр наздикро бо вакуумметр (асосан дар техникаи вакуум) чен мекунанд. Барои чен кардани фишор Манометрҳоеро истифода мекуианд, ки шкалаашон ба воҳидҳои гуногун дараҷа баста шудааст. Дар низоми воҳидҳои байналхалқӣ воҳиди фишор бо паскал «Па» қабул шудааст (аз 1971 сол).
Элементи асосии конструктивии Манометр элементи ҳассосест, ки табдилдиҳандаи аввалини фишор мебошад. Вобаста ба принсини кор ва конструксияи элементи ҳассос Манометрҳо моеӣ, поршенӣ, деформатсионӣ ё пружинӣ (ҳалқашакл, мембранӣ, сильфонӣ) мешаванд. Ғайр аз ин, асбобҳоеро низ истифода мебаранд, ки кори онҳо ба чен кардани тағйироти хосиятҳои физикии моддаҳои гуногун, ки бо таъсири фишор ба амал меояид, асос ёфтааст.