МАҲРАМ

МАҲРАМ, деҳаест дар С. к. Эргаш Шарифови pайони Конибодом, вилояти Ленинобод. Терр. к-зи «Комму­низм». Аз М. то маркази С. қ. 6 км, то район 26 км; роҳ асфалтпӯш. Аз деҳа роҳи оҳан Хавос—Андиҷон мегузарад. Аҳолиаш 4200 нафар (1981), асосан тоҷикон. Деҳа мактабҳои миёнаю 8-сола, китобхона, 2 клуб, касалхона, амбулатория, дорухона, шӯъбаи алоқа, 6 магазин, нонвойхона, 3 ошхона, филиали комб. хизмати маишӣ, 2 завод («Ленинободсельмаш», истеҳсоли хӯроки омехтаи чорво) ва пункти пахта дорад. Соҳаҳои хоҷагӣ — асосан пахтакорӣ, чорводорӣ ва кирмакдорӣ. Заминҳо аз Канали Калонӣ Фарғона ва ба воситаи насосҳо аз дарёи Сир обёрӣ ме­шаванд. Маҳрам зодгоҳи Қаҳрамони Иттифоқи Советӣ Шарифов Эргаш ва Қаҳрамони Меҳнати Социалистӣ Урунова Ҷонон мебошад. Дар деҳа муҷассамаи Эргаш Шарифов ҳаст.