МАДАНИЯТИ КИТОӢ, маданияти археологии давраи неолити Наздибайкал, мансуб ба охири ҳазораи 3—ҳазораи 2 то м. Бори аввал соли 1880 дар натиҷаи тадқиқи қабрҳои соҳили дарёи Китоӣ ёфт шуд ва Маданияти Китоӣ ном гирифт. Аҳолии Маданияти Китоӣ дар давраи ташаккули сохти авлодии падаршоҳӣ зиндагонӣ карда аст. Аз қабрҳои онҳо устухони майитҳои ба рӯяшон ранги сурх пошидашуда ва ашьёҳо ба даст омаданд. Фарқияти сифати бозёфтхо аз мавҷудияти муносибатҳои синфӣ шаҳодат медиҳад.