Луи Наполеон Бо­напарт

Наполеон III (Napoleon III), Шарл Луи Наполеон Бо­напарт (20. 04. 1808, Париж — 09. 01. 1873, Чизлхёрст, наздикии Лондон), императори Франнсия (1852—1870). 10 декабри 1848 баъди Револютсияи феврал прези- денти республика интихоб гардида, 2 декабри 1851 табаддулоти контррево- лютсионии давлатӣ гузаронид. Маҷлиси қонунбарор бекор карда шуда, тамоми ҳокимият ба дасти Наполеони III гузашт. Вай 2 декабри 1852 император эълон шуд. Ҳукуматро ба фоидаи буржуазияи калон идора мекард. Ҳукумати Наполеони III бисёр ҷангҳои истилогарона бурд (вай дар ҷанги 1853— 1856-и Қрим, ҷанги 1859 ба муқобили Австрия, 1858—1862 дар интервенсия ба муқобили Ҳиндухитой, 1856—1858 ва 1860 бар зидди Хитой, 1860—1861 ба муқобили Сурия, 1862—1867 ба му­қобили Мексика ва ғайра иштирок кард). Бемуваффақиятиҳои сиёсати хориҷии Империяи дуюм мавқеи Наполеони III- ро чӣ дар дохили мамлакат ва чӣ берун аз он суст кард. 2 сентябри 1870 Наполеони III ҳангоми ҷанги байни Фран­сия ва Пруссия ба Пруссия таслим шуд. Револютсия 4 сентябри 1870 дар Париж Наполеон Ш-ро аз тахт маҳрум намуд. Вай соли 1871 аз асирӣ озод шуд ва то охири умраш дар Британияи Кабир зиндагӣ кард.