Кӯли Никарагуа

(Nicaragua), кӯлест дар Никарагуа, калонтарин кӯл дар Американ Марказӣ. Масоҳаташ 8430 км². Чуқуриаш то 70 м. Дар пастхамии тектоникӣ, дар баландии 32 м аз сатҳи баҳр воқеъ гаштааст. Д. Типитапа, ки аз кӯли Манагуа ҷорӣ мешавад, ба Никарагуа мерезад. Оби Никарагуа ба воситаи дарёи Сан- Хуан ба баҳри Кариб равон мешавад. Соҳилҳояш асосан паст. Дар қисми ғарбии Никарагуа ҷазираи вулқонии Ометепе воқеъ гаштааст. Кӯл киштигард ме­бошад. Бо мақсади ба ҳам пайвастани уқёнусҳои Атлантику Ором лоиҳаҳои аз байни Никарагуа гузаронидани канал тартиб дода шудааст.