ҚАССОРИ УММӢ (с. тав. ва ваф. номаълум), шоири форс-тоҷик. Дар «Луғатнома»-и Деҳхудо бо номи Писари Уммӣ зикр гардидааст. Аз ишороти муаллифони тазкираҳо бармеояд, ки вай ашъори некӯ ва ороста бо санъатҳои бадеӣ доштааст. Дар «Тарҷумон-ул-балоғат»и Родуёнӣ абёти зер ба ӯ нисбат дода мешавад:
Эй шукуфта гулбуне пайваста бо хуршед сар,
Турфа беху, туфа шоху турфа баргу турфа бар.
Беху шоху баргу бар-т аз симу моҳу мушку уд,
Моҳ гирду сим хому мушк нобуд, уд тар.
Ҳ. Шарифов.