ҚАБРИСТОНИ СУРХ, ёдгории археологии мансуб ба а-ҳои 2—7, ки дар мавзеи Галанги дараи Сурхи р-ни Исфара воқеъ аст. Қ. С. аз ду гуруҳи пуштақабрҳо иборат буда, дар адабиёти илмӣ Қабристони Сурх-1 ва Қабристони Сурх-II (Қабристони Галанг) ном гирифтааст. Қ. С. ҳануз тадқиқ нашудааст. Қ. С.-Н 60 пушта (қутраш 8—12 м, баландиаш аз 0,4 то 1,6 м) дорад, ки онҳо дар масофаи 5—15 м аз ҳамдигар воқеъ гардидаанд. Қабристонро с. 1956 бостоншиносони Ин-ти таърихи АФ РСС Тоҷ. кашф ва с. 1958 пурра тадқиқ намуданд. Пуштаҳо аз руи аломатҳои зоҳирӣ ба се гуруҳ тақсим мешававд: 1) пуштаҳои доирашакл ва конусшакл, 2) пуштаҳои хурд-хурде, ки аз сангрезаҳо иборатанд, 3) пуштаҳои ҳалқашакл. 5 пушта кенотаф (пуштаи беқабр) буда, боқимонда пуштаҳо лаҳад ва маток доранд. Аз Қ. С. зарфҳои сафолӣ, шадаи марҷон, сурмасанг, маснуоти оҳанӣ, асбоби ороишии биринҷӣ ёфт шуданд.
Е. Д. Салтовская.