ТИМОР (Timor) ҷазираест дар галаҷазираи Малай. Масоҳаташ қариб 34 ҳазор км2. Тимор дар байни ҷазираҳои Зонди Хурд аз ҳама калонтарин аст. Релефаш асосан кӯҳист; баландиаш то 29М м. Вулқонҳои лойфишон дорад. Иқлимаш субэкватории муссонӣ; ҳарорати ҳаво дар соҳилҳо тамоми сол 25—270С. Боришоти солона 1500 мм. Саваннаҳои баландалаф, қитьаҳои алоҳидаи бешаҳои тропикӣ ва плантасияҳои қаҳваю нахли норҷил мавҷуд буда, шолӣ ва ҷуворимакка кошта мешавад.
Шаҳрҳои асосиаш: Купанг ва Дили. Охири асри 18 ҷазираро мустамликадорони Нидерландия ва Португалия байни худ тақсим карданд. Қисми ҷанубу ғарбиаш ба Нидерландия, қисми шимолу шарқӣ ва қитъаи на чандон калони қисми ғарбиаш ба Португалия гузашт. Баробари ташкил ёфтани Республикаи Индонезия (1945) қисми нидерландии Тимор ба ҳайати Индонезия дохил шуд. Индонезия соли 1976 Тимори Шарқиро музофоти худ эълон кард.