ЮНОНИҲО

ЮНОНИҲО (худ. Hellenes — эллинҳо гуянд), миллатест, ки бештар аз 95% аҳолии Юнонро ташкил медиҳад. Инчунин дар ҷаз. Кипр, РМА, Италия, Албания, СССР, Канада, Австралия, ШМА ва диг. мамлакатҳо зиндагӣ мекунанд. Шумораашон дар Юнон бештар аз 8,9 млн наф. (1981), дар дигар мамлакатҳо 9,6 млн наф., аз ҷумла дар СССР 344 ҳаз. наф. (1979). Ба забони юнонии нав гап мезананд. Аксарияти диндорон православ буда, як қисмашон мусулмонанд.