ҒУРМОҲӢ, ғурримоҳӣ (Hypo-phthalmichthys molitrix), як навъ моҳиест, ки дар обҳои ширин маскан гирифтааст. Вазнаш то 16 кг.
Дарозиаш то 1 м. Дар ССCP дар д-ҳои Амур, Уссури ва кули Хавка вомехурад; ба Қисми европоии СССР низ оварда шудааст. Ғ. 20 сол умр мебинад. Вобаста ба шароити иқлим дар 3—7-солагӣ болиғ мешавад ва аввалҳои тобистон аз 120 ҳаз. то 1 млн тухм мегузорад. Тақрибан баъди 30 соати oғози инкишоф ҳангоми 23 —25*С будани ҳарор. об аз тухм моҳича мебарояд. Растанӣ, обсабзҳо, нармбадан (моллюск)-ҳо, кирминаи ҳашароти обӣ ва ғ. хуроки асосии Ғ. мебошанд. Моҳичаҳои Ғ. (1,5 см) обсабзҳои майдатарин (микроскопӣ)-ро мехуранд; бинобар ин парвариши Ғ. барои тоза кардани обанборҳо аҳамияти калон дорад. Ғ. моҳии пурқимати саноатист. Қисми хурданбоби F.-и дусола 76,5% об, 15,5% сафеда, 4,7% равған ва 3% хокистар дорад. Дарозии Ғ.-е, ки дар ҳавзаи Амур-мепарваранд, аз 20 то 75 см, вазнаш то 6 кг аст. Дар СССР усулҳои парваришу афзоиши сунъии F.-и сафедро хуб ба рҳд мондаанд. Ҳоло Ғ.-ро дар Тоҷикистон асосан хоҷагиҳои моҳидории р-ни Куйбышев мепарваранд.
Ад., Абдусаломов И. А. Баева., В. Г., Линдт И. И.. Олами Тоҷикистон, Д., 1981.