ФОТОАППАРАТ (аппарати фотографӣ, дастгоҳи аксбардорӣ), асбоби оптикию механикиест барои дар фотонавор ё фотолавҳа сабт кардани тасвири ягон чиз.
Фотоаппаратҳои замонавӣ асосан аз қисмҳои зерин иборатанд (нигаред расм): камераи рӯшноиногузар (ҳамчун корпуси асос ва ҷои кассетаҳои фотонавор таъин шудааст); объектив (барои офаридани тасвири оптикии объект); затвор (барои таъмин кардани мӯҳлати экспононӣ дар экспозисияи интихобшуда); видоискател (барои муқаррар кардани ҳудудҳои тасвири объект дар кадр ва интиҳои нуқтаи суратгирӣ); механизм барои танзими объектив. Баъзе фотоаппаратҳо фотоэкспонометр, си нхроконтракт, автопуск низ доранд.