ФОРТЕПИАНО (италиянӣ Fortepiano аз forte — баланд ва рiano — оҳиста, паст), асбоби мусиқии клавишдори торӣ. Солҳои 1709—11 дар Италия Б. Кристофори ихтироъ кардааст. Торҳояш бештар аз 90 қаторовози хроматикй ҳосил карда метавонад.
Диапазонаш васеъ буда 71/4 октаваро дар бар мегирад. Ҳамчун асбоби якканавози ва ҷӯршаванда дар ансамбл, баъзан дар оркестр истифода мешавад, Намудҳояш пианино ва роял. Барои фортепиано бастакорони классик ва муосир, аз ҷумла бастакорони тоҷик Ш. Сайфиддинов, 3. Шаҳидӣ, Д. Дӯстмуҳаммадов, Я. Сабзанов, Ҷ. Охунов, М. Атоев ва дигарон асарҳои зиёде офаридаанд.