ФИТРАТ Мулло Қурбонхони Вардонзеҳӣ

ФИТРАТ Мулло Қурбонхони Вардонзеҳӣ (соли таваллуд номаълум — вафот 1887), шоири тоҷик. Дар Бухоро таҳсил намуда, дар баъзе туманҳои Бухоро қозигӣ кардааст. Аксари тазкиранависони асри 19 ва ибтидои асри 20 оид ба Фитрат маълумот дода, аз осораш намунаҳои зиёд овардаанд. Дар баёзҳо низ ашъори Фитрат сабт шудааст. У бештар ба ғазал (асосан дар мавзӯи ишқу муҳаббат) майл доштааст:
Барнагирад ҳеҷ ҷо ором Фитрат ин кадар,
Шавқи дидоре, ки дорад беқарор оинаро