ФАЗО дар математика

ФАЗО дар математика, шакл (ё отруктура)-и мантиқан даркшавандаро гӯянд, ки ҳамчун муҳит барои сохтани шакл ё конструксияҳои дигар хизмат мекунад. Мафҳуми умумии «Фазо» дар натиҷаи тадриҷан умумият додану дигар кардани геометрияи Фазои евклидӣ ба миён омадааст. Мафҳумҳои Фазои аз Фазои евклидӣ фарқкунанда бори аввал дар нимаи якуми асри 19 ҷорӣ шуданд.

Инҳо Фазои Лобачевский ва Фазои евклидии миқдори ченакашон дилхоҳ буданд. Мафҳуми умумиро доир ба Фазоҳои математикӣ соли 1854 Б. Риман пешниҳод кардааст. Дар математикаи муосир Фазоро ҳамчун маҷмӯи ин ё’он объектҳо (ба истилоҳ нуқтаҳои Фазо— ашколи геометрӣ, функсияҳо, ҳолатҳои системаҳои физикӣ ва ғайра) муайян мекунанд.