ФАНОӢ (Шайх Аҳмади Халхолӣ)

ФАНОӢ (Шайх Аҳмади Халхолӣ таваллуд ва вафот номаълум), шоири форс-тоҷик (асри -16). Аз улуми расмии давраш баҳравар будааст. Намунаҳои осораш тавассути тазкираҳо боқӣ мондаанд.

Ин абёт аз ӯст:

Афтода ба по зулфи сумансои ту аз чист?

Девона манам, силсила бар пои ту аз чист?

Метапад парвонаву дар изтироби мурданаст,

Ту ҳанӯз, эй шамъ, бепарво тағофулмекунӣ.

Эй Фаноӣ, бо вуҷуди ёр мемурди зи шавқ,

Ҳайрате дорам, ки чун акнун тақаммул мекунӣ?