ЭПИЛОГ (аз юн. epilogos — охирсухан), дар драма муроҷиати хотимавии хор ё актёр ба тамошобинон буд, ки тавассут он мақсади муаллиф ва моҳияти воқеоти пьеса шаҳр дода мешуд. Э.-и драма ҷои Эҳьё (У. Шекспир, Б. Понсов) ғояи пьесаро шарҳ медод. Дар адабиёти муосир Э. тасвири воқеаҳоест, ки баъди қатъ ва ҳалли конфликт меоянд. Э. унсури асосии сюжет намебошад. Э.-ро асосан дар охир, баъзан дар оғози асари бадеӣ меоранд (боби якум «Шаҳрҳо ва солҳо»-и К. Федин, «Ман гунаҳкорам»-и Ҷ. Икромӣ). Доираи тасвир дар Э. васеъ аст. Бо ин ҷиҳат он аз мафҳумҳои нисбатан танги хотима, хулоса ва ғ. фарқ мекунад.
Ад.: Волькенштейн В. М. Дрпматургия, М., 1969; Поспелов Г.,Теория литературы, М., 1978.
С. Табаров.