ЭЛЕКТРОФОРЕЗ

ЭЛЕКТРОФОРЕЗ (аз электро… ва юн. nhoresis— бурдан, ба ҷои дигар бурдан), дар муҳити моеъ ё газ аз таъсири майдони електрикии беруна ҳаракат кардани ҳиссачаҳоро гуянд. Онро с. 1807 Ф. Ф. Рейс кашф кардааст. Э. дар саноат барои аз латекс ҷудо кардани каучук, софкории об, аз peг ҷудо кардани каолин ва ғ. кор фармуда мешавад. Он дар биохимия барои таҳлил, ҷудокунӣ ва тозакунии биополимерҳо (асосан сафедаҳо), ҳуҷайраҳои бактериявӣ, вирусҳо, инчунин аминокислотаҳо, витаминҳо ва ғ. хизмат мекунад.