Э (е-и чаппа), ҳарфи сиву якуми алифбои ҳозираи тоҷикист; аз алифбои русӣ гирифта шуда (1940), овози садоноки кушод ё бастаи бардошти миёна, қатори пеш (яъне овози садонокн е-и бе и)-ро ифода мекунад ва шакли навишти чопиаш Ээ, дастнависаш Э Э мебошад. Дар алифбои арабиасоои тоҷикӣ (то 1930) ба воситаи ҳарфи «алиф» ифода мегардид. Дар алифбои лотиниасоси тоҷикӣ (1930—40) шакли чопиаш Ее, дастнависаш В в буд.
Дар баъзе калимаҳои тоҷикӣ (эдак, эдсон, эмин ва ғ.), инчунин калимаҳои иқтибосӣ (экватор, электр, экскурсия ва ғ.) истифода мешавад.
В. Капранов.