Таджикистан – Энциклопедия на таджикском языке КИТОБАМ
Ойим, деҳаест дар Совети қишлоқ ба номи Ҳасанови райони Ҳисори РСС Тоҷикистон. Территорияи колхози ба номи В. И. Ленин. Аз Ойим то маркази Совети қишлоқ 6 километр, то район 24 километр; роҳаш асфалтпӯш.
Аҳолиаш 1920 нафар (1981), тоҷикон ва ӯзбекҳо. Мактаби миёна, китобхона, клуб, пункти тиббӣ, магазин дорад. Соҳаҳои асосии хоҷагӣ — пахтакорӣ ва сабзавоткорӣ. Заминҳо ба воситаи канал аз дарёи Қаротоғ обёрӣ мешаванд.
