Орҷоникидзе, деҳаест дар Совети қишлоқи Калинини райони Колхозобод, вилояти Қӯрғонтеппа. Территорияи колхози ба номи М. Горкий. Аз Орҷоникидзе то маркази Совети қишлоқ 5 километр, то район 15 километр; роҳ кисман асфалтпӯш.
Аҳолиаш 1315 нафар (1981), тоҷикон ва ӯзбекҳо. Мактаби миёна, клуб, китобхона, пункти тиббӣ, магазин дорад. Соҳаҳои хоҷагӣ — пахтаю сабзавоткорӣ ва боғдорӣ. Заминҳо аз дарёи Вахш ба воситаи канали Қумсангир обёрӣ мешаванд.