Оқсу, деҳаест дар Совети қишлоқи Себистони райони Данғара, вилояти Кӯлоб. Маркази совхози ба номи М. В. Фрунзе. Аз деҳа то маркази Совети қишлоқ 20 километр, то район 5 километр. Аҳолиаш 1930 нафар (1981), асосан тоҷикон.
Мактаби миёна, 2 китобхона, клуб, пункти тиббӣ, шуъбаи алоқа, магазин, осиё, устохонаи чубу тахтабурӣ, фермаи говпарварӣ дорад. Соҳаҳои асосии хоҷагӣ — пахтаю ғаллакорӣ, чорводорӣ, боғу токдорӣ ва кирмакдорӣ. Заминҳо аз оби чашмаҳо обёрӣ мешаванд.