Деҳаи САНГИМАЛИК

САНГИМАЛИК деҳаест дар райони Ғарми Республикаи Советии Сотсиалистии Тоҷикистон, маркази Совети қишлоқи Боқи Раҳимзода. Территорияи совхози «40-солагии Тоҷикистон». Аз Сангималик то маркази район 20 километр; роҳаш асфалтпӯш. Аҳолиаш 425 нафар (1981), асосан тоҷикон. Деҳа мактаби миёна, китобхона ва устохонаи таъмири пойафзол дорад. Соҳаҳои асосии хоҷагиаш чорводорӣ ва картошкакорист. Заминҳо аз чашмаҳо обёрӣ мешаванд.